Пра гэта сёння заявіла генеральная пракуратура Беларусі.
Як паведамляюць праваабаронцы, такое рашэнне прыняў суддзя Сяргей Мікалаеў. Судовы працэс праходзіў у закрытым рэжыме з удзелам КДБ.
Само разбіральніцтва ініцыіраваў генпракурор Андрэй Швед. Яшчэ ў сярэдзіне лютага 2023 года ён накіраваў прапанову прызнаць БРЦ «экстрэмісцкай арганізацыяй» у Вярхоўны суд.
«Адрагаваць на гэтую навіну мы вырашылі двума крокамі.
Па-першае, зараз мы будзем выпускаць нашыя расследаванні на беларускай мове. Для тых, хто не надта добра ім валодае, мы дадаем рускамоўныя субтытры. Акрамя таго, мы забяспечваем нашы матэрыялы і англамоўнымі субтытрамі, каб пра карупцыйныя схемы кашалькоў Лукашэнкі і механізмы абыходу санкцый даведаліся як мага больш людзей па ўсім свеце.
Па-другое, мы нарасцім абароты – летась мы раскрылі карупцыйных схем у Беларусі і за яе межамі на мільярд даляраў, у гэтым – пастараемся павялічыць гэты паказчык», – пракаментаваў кіраўнік БРЦ Станіслаў Івашкевіч.
Беларускі расследавальніцкі цэнтр – гэта незалежны прадакшан, які спецыялізуецца на найбольш складаных жанрах журналістыкі. БРЦ з'яўляецца чальцом OCCRP (цэнтр па даследаванні карупцыі і арганізаванай злачыннасці), а таксама – GIJN (глабальная сетка журналістаў-расследавальнікаў).
Як распавядаў БАЖ спадар Івашкевіч, у яго каманду ўвайшлі журналісты, эксперты, аналітыкі, у якіх было жаданне выявіць тое, што застаецца таемным і скажае наша разуменне аб аб’ектыўнай рэчаіснасці.
Чытайце яшчэ:
Асцярожна: прапаганда! Ці трэба і як асвятляць прадзяржаўны кантэнт
Главред Reform.by: журналистика — это иммунитет нации
Сёння ў Кіеве прайшла паніхіда па ўсіх загінулых супрацоўніках украінскіх СМІ